عمر اکمل کو اینٹی کرپشن کوڈ کے تحت سزا ملنے سے پہلے ہی سب سے بڑی خوشخبری مل گئی

اردو پوائنٹ تازہ ترین اخبار۔18اپریل 2020ء ) پاکستان سپر 

فرنچائز کوئٹہ گلیڈی ایٹرز کے مالک ندیم عمر نے کہا ہے کہ اگر عمر اکمل کو موجودہ تنازعہ سے کلین چٹ مل گئی تو یقینی طور پر انہیں کوئٹہ کی ٹیم میں دوبارہ شامل کیا جائے گا۔ تفصیلات کے مطابق پی ایس ایل کے پانچویں سیزن کے آغاز سے قبل معطل کئے گئے عمر اکمل کو بورڈ کے اینٹی کرپشن کوڈ کی 2 مرتبہ خلاف ورزی پر چارج کر کے 14 دن کے اندر جواب طلب کیا گیا تھا جس پر مڈل آرڈر بلے باز نے جواب بھی جمع کرا دیا تھا ۔

انہوں نے پی ایس ایل کے پانچویں ایڈیشن میں کوئٹہ گلیڈی ایٹرز کی نمائندگی کرنا تھی تاہم ایسا ممکن نہ ہو سکا۔ کورونا وائرس سے متاثرہ وہ علاقے جنہیں مکمل بند کرنے کا فیصلہ کرلیا گیا عمر اکمل کی جانب سے اینٹی کرپشن ٹریبونل کے سامنے سماعت کی درخواست نہ کئے جانے کے بعد پاکستان کرکٹ بورڈ کے معاملے کو ڈسپلنری کورٹ کے چیئرمین اور لاہور ہائیکورٹ کے سابق جج فضل میراں چوہان کو بھیج دیا ہے اور امید ظاہر کی جا رہی ہے کہ مڈل آرڈر بلے باز کی جانب سے غلطی تسلیم کئے جانے کے باعث انہیں کم سے کم سزا ملے گی اور جلد ہی وہ دوبارہ ان ایکشن نظر آ سکیں گے۔

کوئٹہ گلیڈی ایٹرز کے مالک ندیم عمر نے صحافیوں کیساتھ آن لائن گفتگو کرتے ہوئے کہا کہ عمر اکمل کے حوالے سے میچ سے 10 گھنٹے قبل بتایا گیا جس سے ٹیم کو کافی نقصان ہوا،میں یہ کہوں گا کہ عمر اکمل کے ٹیم سے نکل جانے سے ہماری قوت کو 30 فیصد نقصان پہنچا۔ عمر اکمل مڈل آرڈر کے بہترین بیٹسمین ہیں اور اگر وہ موجودہ تنازع سے کلین چٹ لے کر نکلتے ہیں تو یقینی طور پر کوئٹہ کی ٹیم میں دوبارہ 

شامل کیا جائیگا۔